Azərbaycanda qeyri-rezidentin gəlirlərindən ümumi olaraq 10% ödəmə mənbəyində vergi tutulur. Əksər hallarda bununla yanaşı ƏDV də tutulmalı olur. Qeyd edilməlidir ki, ödəmə mənbəyində verginin tutulması, tutulmuş verginin geri qaytarılması qeyri-rezidentlər tərəfindən tez-tez sorğu edilən suallardır. Ödəmə mənbəyində tutulan gəlir vergisi xidmətlərin göstərilməsinə görə Azərbaycan mənbəyindən əldə edilən gəlirlərdən tutulur.
Müvafiq ikiqat verginin aradan qaldırılması sazişinə uyğun olaraq ödəmə mənbəyində tutulmuş vergilər geri qalına bilər. Müvafiq sazişin şərtindən asılı olaraq, vergi qurumu tərəfindən öncədən təsdiq edilməklə DTA forması tərtib edilərək verginin Azərbaycanda ödəmə mənbəyində deyil xaricdə (qeydiyyat dövlətində) ödənilməsi mümkündür. İkiqat vergi sazişi olduda, ödənilmiş belə vergi geri alına və ya qeyri-rezident öz dövlətində bu həcmdə verginin ödənilməsindən azad edilə bilər (vergi krediti).
Hər hansı bir əcnəbinin yerli vətəndaş kimi Azərbaycanda fərdi əmlak almaqda bərabər hüquqları vardır. Əcnəbi, torpaq istisna olmaqla, Azərbaycanda daşınmaz əmlak ala bilər. Başqa sözlə, xarici vətəndaş və ya vətəndaşlığı olmayan şəxs olsanız, ev, villa, mənzil və digər əmlak ala bilərsiniz, ancaq torpaq deyil. Buna görə, bir əcnəbi kimi torpaq istisna, yerli vətəndaşlar kimi oxşar hüquqlardan istifadə edirsiniz.
Azərbaycanda əmlak almaq adətən aşağıdakı prosesləri əhatə edir:
Əcnəbi sərbəst şəkildə əmlakı sata bilər və ya sata bilər və əldə etdiyi vəsaiti istənilən yerli şəxs kimi köçürə bilər. Azərbaycan qanunvericiliyi əcnəbi və ya yerli şəxs arasında bu cür hüquqlara münasibətdə ayrı-seçkilik etmir.
Vətəndaşlıq haqqında qanunda nəzərdə tutulmuş qaydada Azərbaycan vətəndaşlığını əldə etmək mümkündür. Bunun üçün 5 il fasiləsiz daimi yaşayış, qanuni gəlir mənbəyi, Azərbaycan Konstitusiyasına və qanunlarına əməl etməyi və Azərbaycan dilini bilmək tələb olunur.
Təcrübədə əcnəbi şəxs yaşayış icazəsi almaqla prosesə başlamalıdır. Müvəqqəti yaşayış icazəsi ilə Azərbaycanda 2 il qaldıqdan sonra daimi yaşayış üçün müraciət etmək mümkündür. 5 illik müddət daimi yaşayış sənədinin verildiyi gündən etibarən hesablanır. Şəxs Azərbaycan dilini öyrəndikdən sonra müvafiq imtahandan keçməli və qanuni gəlir mənbəyinə sahib olmalıdır.
Azərbaycanda şirkətin (Məhdud Məsuliyyətli Cəmiyyət) qeydiyyatdan keçirilməsi qaydaları sadələşdirilmişdir və ərizə forması, şirkətin təsis sənədləri (nizamnamə və təsis qərarı) kimi minimal sənədlər tələb edilir. Qeydiyyat orqanı Vergilər Nazirliyidir.
Praktikada müvəqqəti yaşama icazəsi 3-12 ay müddətinə verilir.